Nå er 1950-, 60- og 70talet «gamle dagar». Til og med 80- og 90tal er fjern fortid for dei som er 30åringar i dag. Dei veldige endringane som har vore – lokalt og globalt – sidan 1945, er ennå friskt i minnet hos mange. Men klokka tikkar – rekkene tunnast år for år. Ein dag er berre arkivmapper tilbake. Då kan dei angre, alle som ikkje fortalde medan minnet var friskt!

Bjørn Enes brenn for at så mange som mogleg må fortelje «sin versjon» av historia om tida dei har levd. For alle har bidratt til å skape historia, og alle er tidsvitne som har erfaringar og observasjonar og refleksjonar å avlevere til samtid og ettertid! Og det er så enkelt, i dag, «Mitt mål med dette foredraget er at alle skal gå ut derifrå med ein konkret plan om korleis dei skal lage sitt memoar!» seier han.